Товч хариулт
2025–2028 онд цайны мөнгө (tips), илүү цагийн нэмэгдэл (overtime), 65-аас дээш нас, шинэ машины зээлийн хүүд холбооны шинэ хасалт бий. Стандарт хасалт авдаг хүн ч авна, гэхдээ орлогын хязгаартай. Калифорнийн мужийн татварт эдгээр хасалт байхгүй.
Дөрвөн хасалт
| Хасалт | Жилийн дээд хэмжээ | Орлого хэдээс давбал багасна | Гол нөхцөл |
|---|---|---|---|
| Цайны мөнгө (tips) | $25,000 | $150,000 (хамтран $300,000) | Цайны мөнгө авдаг мэргэжил; мэдүүлсэн tips; SSN |
| Илүү цагийн нэмэгдэл | $12,500 (хамтран $25,000) | $150,000 (хамтран $300,000) | Холбооны хөдөлмөрийн хуулиар (FLSA) олгосон нэмэгдэл хэсэг; SSN |
| 65-аас дээш нас | Нэг хүнд $6,000 (хоёулаа бол $12,000) | $75,000 (хамтран $150,000) | Жилийн эцэст 65 нас хүрсэн; SSN |
| Шинэ машины зээлийн хүү | $10,000 | $100,000 (хамтран $200,000) | 2025 оноос хойш авсан шинэ машин; АНУ-д эцсийн угсралт; хувийн хэрэгцээ |
Гэрлэсэн бол tips, overtime, 65+ хасалтыг зөвхөн хамтран мэдүүлсэн (married filing jointly) тохиолдолд авна. Бүгдийг Schedule 1-A маягтаар авна.
Илүү цагийн жишээ
Цагийн хөлс $20, илүү цагт $30 авдаг хүн 10 цаг илүү ажиллавал нэмэгдэл хэсэг нь $10 × 10 = $100. Хасагдах нь $300 биш, $100. Калифорнийн өдрийн 8 цагаас илүү цаг зэрэг зөвхөн мужийн хуулиар олгодог нэмэгдэл хасалтад орохгүй байж болно.
Түгээмэл буруу ойлголт
- “Tips, overtime татваргүй болсон.” — Зөвхөн холбооны орлогын татвараас хасагдана. Social Security, Medicare-ийн шимтгэл, Калифорнийн татвар хэвээрээ.
- “Social Security-ийн тэтгэвэр татваргүй болсон.” — Үгүй. 65+ хасалт бол нэмэлт хасалт; тэтгэврийн татварын дүрэм өөрчлөгдөөгүй.
- “ITIN-тэй байсан ч авна.” — Үгүй. Tips, overtime, 65+ хасалтад SSN шаардлагатай.
Калифорни
Эдгээр хасалтыг мужийн хуульд оруулах SB 984 хуулийн төсөл 2026 оны 5-р сард хороондоо зогссон. Тийм тул Калифорнийн тайланд tips, overtime бүрэн татвартай хэвээрээ.
Эх сурвалж
- IRS — Schedule 1-A-ийн хасалтууд
- 26 U.S.C. § 224 — tips
- SSN шаардлага
- Kiplinger — машины зээлийн хүү
- CalMatters — SB 984
Бэлтгэсэн: Гүүр · Шинэчилсэн: 2026.09.30. Энэ нийтлэл ерөнхий мэдээлэл бөгөөд таны нөхцөлд тохирсон зөвлөгөө биш.